Adobe-ийн хэрэгцээт програмуудыг татах:
Бусад хэрэгцээт програмуудыг татах:
Зарим тоглоом татах:
Залуу хүний ядуу байх нь биш мэдлэг чадваргүй байх нь л гутамшиг.
Улаанбаатар хотод заавал очиж үзэх ёстой 10 газар
1. Чингисийн талбай
Чингисийн талбай буюу хуучнаар Сүхбаатарын талбай нь Монгол Улсын нийслэл Улаанбаатар хотын төв цэг юм. Талбайн төвд Сүхбаатарын хөшөө байдаг бол хойморт нь байрлах Төрийн ордны өвөр талд Чингис хааны хөшөө бий.
Талбайн дунд сүндэрлэх Д.Сүхбаатарын хөшөөний загварыг барималч Ч.Чоймбол зохиожээ. Ардын журамт цэрэг Хиагтаас Их хүрээнд орж ирээд Ардын хувьсгалын ялалтыг тунхагласан дурсгалт газар юм.
Жанжныг омголон морин дээрээс наран мандах зүгийг гараараа зааж байгаагаар дүрсэлсэн бөгөөд 1946 оны 7-р сарын 8-нд Ардын хувьсгалын 25 жилийн ойгоор нээжээ. Энэ үеэс эхлэн талбайг Сүхбаатарын талбай хэмээн нэрлэх болсон ба 2013 оны 8-р сараас эхлэн НИТХурлын шийдвэрээр нэрийг нь өөрчлөн Чингисийн талбай хэмээн нэрлэх болсон.
2. Зайсан толгой
Зайсан толгой нь Улаанбаатар хотын өмнө талд орших толгой юм. Зайсан толгойгоос Улаанбаатар хотын төв хэсгийг тольдон харах боломжтой бөгөөд Улаанбаатарчуудын чөлөөт цагаа өнгөрөөх, жуулчдын очих дуртай газруудын нэг билээ. Халхын голын байлдаанд эрэлхэгээр байлдаж амиа алдсан цэргүүдийн дурсгалд зориулсан Зөвлөлтийн дайчдын дурсгалын цогцолборыг 1971 онд архитектор А.Хишигтээр ахлуулсан уран барилгачид барьж эхэлсэн бөгөөд цогцолборын оройд байрлах цагариг дотор нь 1921 оны ардын хувьсгал, 1939 оны Халхын голын байлдааны үеэр үзүүлсэн Зөвлөлтийн туслалцаа дэмжлэгийг дүрсэлсэн байдаг.
3. Гандантэгчилэн хийд
Гандантэгчилэн хийд нь Улаанбаатар хотод байх Монгол улсын Бурханы шашны төв хийд юм. Их хүрээ нь 1809 онд Далхын дэнж гэх газарт Шар сүм нэртэйгээр анх суурь тавигдаж, 1838 онд Тавдугаар Богд Жэвзүндамба Хутагтын зарлигаар Их хот мандалын сүм байгуулагдсан нь өнөөгийн Гандантэгчилэн хийд юм. Богд хаан буюу Наймдугаар Богд Жэвзүндамба хутагтын санаачилгаар 1911 онд 80 тохой өндөртэй алтан Мэгжид Жанрайсиг бурханыг бүтээж залсан байна.
Их хэлмэгдүүлэлтийн үеэр 1938 онд хийдийг хааж, ЗХУ руу бурханыг авч одсон юм. 1944 онд хийд Мөргөлийн дуган нэртэйгээр дахин сэргээж, социализмын жилүүдэд засгийн газрын хяналт дор Монгол дахь Бурханы шашны ганц голомт болж, Монголын бурханы шашинтны төв гэгдэх болжээ.
4. Вива Сити залуусын хороолол
Яармагийн гүүр даваад Туулын хөвөөнд орших Вива Сити хороолол нь 2013оны 06-р сарын 01-ний өдөр нээлтээ хийсэн. 1619 айлын орон сууц ба 1-р давхруудад брэнд хувцасны дэлгүүр, ресторан паб гээд 100-аад худалдаа үйлчилгээний төвүүдтэй. Монголын урчуудын эвлэлийн шагналт уран барималч А.Очирболдын урласан эрэлхэг дайчин Мандухай сэцэн хатны хөгжимт усан оргилуур, алдарт Лондонгийн 2 давхар улаан автобус, хайрын хөшөө, 1000 хүний багтаамжтай задгай театр, сагсан бөмбөг, хөлбөмбөг, хүүхдийн тоглоомын талбай гээд орчний иж бүрэн тохижилттой орчин үеийн хорооллын шинэ шийдлийг эндээс үзэж болно.
Мөн энэхүү хороололд олон сонирхолтой шинэлэг арга хэмжээнүүд байнга зохион байгуулагдаж зургаа даруулахаар ирэх гадна дотны жуулчдын хөл хөдөлгөөн тасардаггүйгээс гадна хамтлаг дуучдын клип, кино зураг авалтууд байнга явагддаг учраас олны танил эрхмүүдийг Вива Сити хороололд ирж харах боломжтой юм.
5. Гранд хаан айриш паб
Грандхаан айриш паб нь 2005 оны 8-р сард байгуулагдсан хамгийн орчин үеийн, тохилог тав тухтай, шинэлэг үйлчилгээг монголд анх нэвтрүүлсэн паб юм. Урлагийн амьд тоглолт бүхий тайз, спорт сувгууд, алдарт Guinness шар айраг, Tiger шар айраг болон эх орны үйлдвэрийн шар айргуудаар үйлчилдэг бөгөөд 180 хүний хүчин чадалтай. Эндхийн үйлчлүүлэгчдийн тэн хагас нь гадныхан байдаг ба барууны орнуудын пивоны соёлтой хэрэглээг эндээс мэдрэх боломжтой.
6. Үндэсний соёл амралтын хүрээлэн
Үндэсний Соёл Амралтын Хүрээлэн нь 13 төрлийн аттракцион тоглоом, галзуу хулгана, хөгжөөнт тоглоомын төвүүд болох бонгын ертөнц тоглоомын төв, автомат тоглоомын төв, боулинг, орчин үеийн дэвшилтэт технологи дээр суурилсан видео тоглоомын төвүүдтэйгээс гадна өөр өөрийн онцлогийг агуулсан 6 төрлийн ресторантайгаар үйл ажиллагаа явуулдаг. Дахин засвар хийн ашиглалтанд орсноос хойш Үндэсний Соёл Амралтын Хүрээлэнд олон нийтийг хамарсан сонирхолтой арга хэмжээнүүд байнга зохион байгууллагддаг ба оюутан залуусын очих дуртай ялангуяа дурлалт хосуудын болздог газруудын нэг болсон.
7. Үндэсний цэцэрлэгт хүрээлэн
22 төрлийн 94 мянга гаруй мод, бут, зүлэг, цэцэгтэй. Усан оргилуур, хүүхдийн тоглоомын талбайтай "Үндэсний цэцэрлэгт хүрээлэн” нийслэлчүүдийн ая тухтай амьдрал, амралт зугаалгын бүс болоод байна. Бүрэн ашиглалтад орох үедээ 1280 га талбайг хамрах энэ хүрээлэнгийн эхний ээлжийн 55га-д тохижилтын ажил хийснээр Улаанбаатар хотын нийт ногоон байгууламжийн 23 хувийг дангаар эзэлж байна. Тус цэцэрлэгт хүрээлэнд очингуут цэвэр агаарыг цээж дүүрэн амьсгалах боломжийг та эндээс л мэдрэнэ.
8. Монголын Үндэсний Музей
"Эх түүхээ мэдэхгүй хүн Ойд төөрсөн сармагчин лугаа адил” гэсэн үг байдаг. Оюун залуус ном унших нь багассан өнөө цагт эх түүхийн талаар цогц мэдлэг олж авъя гэвэл анги хамт олноороо Монголын Үндэсний Музейгээр ороод гараарай. Тус музейд эртний Монголын түүхийн танхим, Монголын анхны төрт улс Хүннүгийн түүхийн танхим, Түрэгийн түүхийн танхим, Монгол үндэстэн ястны хувцасны танхим, Монголын Эзэнт Гүрний түүхийн танхим, Дундад зууны үеийн Монголчуудын аж байдлыг харуулсан танхим, XX зуун, XXI зууны эхэн үеийн Монгол орны түүхийн танхимуудтай.
9. Скай резорт
2009 он ашиглалтанд орсон цанын бааз нэг дор 1300 хүнд, өдөрт 4000 хүнд үйлчлэх хүчин чадалтай, уулын цана, снөүбоард, гүйлтийн цана, чарганы талбай болон аюулгүй байдлын эргүүл, 300 хүний багтаамж бүхий ресторан, 1000 машины зогсоол, 480 шүүгээ бүхий хувцас солих өрөө, анхан шатны тусламж үзүүлэх эмнэлэг, өндөр зэрэглэлийн сургалт явуулах багтай.
Скай резортын хамт олон оюутан залууст зориулан хөнгөлөлттэй үйлчилгээг жил бүр байнга үзүүлдэг. Тухайлбал өнгөрсөн өвөл "Оюутны өдөр”, "Азтай Давка”, "Happy Birthday”, "I Love ski” зэрэг хөнгөлөлт урамшууллыг оюутан залуустаа зориулан хүргэж байсан.
Түүнчлэн олон улсын стандартын 18 нүхтэй гольфын талбайд өдөрт 180 хүртэлх гольфчид тоглох хүчин чадалтай. Насанд хүрэгч, хүүхэд, хамт олны гэсэн гольфийн сургалтууд явагддаг ба хамт олноороо энэхүү сонирхолтой спортын төрлөөр хичээллэн цагийг хөгжилтэй өнгөрүүлэх боломжтой юм.
10. Metropolis night club
"Метрополис" клуб нь 2007 оноос хойш тасралтгүй үйл ажиллагаагаа явуулж буй орчин үеийн диско клуб юм. Чингис хаан цогцолборт байрлах тус клуб нь 300 орчим хүний суудалтай, 800-1000 хүн хүлээн авах багтаамжтай. Интерьэр дизайны өвөрмөц шийдэл бүхий лонж, коктэйл бар, VIP үйлчилгээний тусгай хэсэгтэй ба мэргэжлийн бие хамгаалагчид үйлчлүүлэгчдийн аюулгүй байдлыг хангаж, Минимал, Tech House, Progrossive, Транс хөгжмийн хэмнэлд хүссэнээрээ бүжиглэх хотын залуусын соёлыг эндээс мэдрээрэй.
Source: bolod.mn
3812 2013-09-23
НЭВТРЭХ ХЭСЭГ
Чаат
Шилдэг / шинэ гишүүд
Мэдээ: 929 Дуу: 667 Сэтгэгдэл: 747 |
Мэдээ: 214 Дуу: 32 Сэтгэгдэл: 392 |
Мэдээ: 84 Дуу: 45 Сэтгэгдэл: 44 | |||||||||||||||||||||||||||
Мэдээ: 73 Дуу: 0 Сэтгэгдэл: 314 |
Мэдээ: 70 Дуу: 1 Сэтгэгдэл: 15 |
Мэдээ: 40 Дуу: 0 Сэтгэгдэл: 54 | |||||||||||||||||||||||||||
Мэдээ: 36 Дуу: 0 Сэтгэгдэл: 57 |
Мэдээ: 35 Дуу: 1 Сэтгэгдэл: 173 |
Мэдээ: 34 Дуу: 4 Сэтгэгдэл: 20 |
[ Шинэ гишүүдийг харах ]
Шинэ сэтгэгдэл
mglbebe99 - fail ni ustchihsiin bolow uu yasiin bol 404 aldaa zaagad bhii
Сошиал сүлжээ ашиглан нэвтрэх